لە ماوەی ڕۆژانی ڕابردوودا، لانی کەم چوار لاوی خەڵکی پیرانشار بە ناوەکانی ماردین ڕەسووڵیان، دانیار قادری ئازەر، ئارمان پایدار و زانیار حوسێنی لەلایەن هێزە حکومەتییەکان ڕفێندراون و چارەنووسیان نادیارە.
بەگوێرەی ڕاپۆرتی گەیشتوو بە ڕێکخراوی مافی مرۆڤی هەنگاو، هێزە ئه‌منییه‌كان ڕۆژی دووشەممە، 24 ى 10 ى 2022، دانیار قادری ئازەر تەمەن 16 ساڵ، ئارمان پایدار تەمەن 17 ساڵ، زانیار حوسێنی تەمەن 17 ساڵ و ماردین ڕەسوڵیان تەمەن 19 ساڵیان لە نزیک پارکی شارەوانی ڕفاندووە.
سەرەڕای تێپەڕینی یەک حەوتوو بەسەر دەستبەسەرکرانی ئەو چوار لاوە هیچ زانیارییەک سەبارەت بە چارەنووس و شوێنی دەستبەسەرکرانیان لەبەردەستدانییە.
بەوتەی سەرچاوەیەکی ئاگادار، هەوڵ و بەدواداچوونی بنەماڵەی ئەو چوار کەسە بۆ ئاگاداربوون لە چارەنووسی منداڵەکانیان بێ ئەنجام ماوەتەوە.
کۆمێنت (0)
تا ئێستا هیچ کۆمێنتێک نەکراوە.