هێزە ئه‌منییه‌كانی ئێران، محەممەد ئەمین ئاروەند، خەڵکی شاری مەهاباد و کوڕەکەیان بە ناوی سۆران ئارمەند ڕفاندووە.
بەپێی ڕاپۆرتی گەیشتوو بە ڕێکخراوی مافی مرۆڤی هەنگاو؛ رۆژی شه‌ممه‌ی رابردوو، باوک و کوڕێک بە ناوەکانی محەممەد ئەمین ئاروەند و سۆران ئاروەند و خەڵکی شاری مەهاباد، پاش ئەوەی کە لەلایە هێزە ئه‌منییه‌كانه‌وه ڕفێندراون، بۆ شوێنێکی نادیار گوازراونه‌تەوە.
محەممەد ئەمین ئاروەند، تەمەنی 40 ساڵە و تووشبووی نەخۆشیی دڵە و کێشەی هەناسەدانی هەیە.
بە وتەی ناسراوێکی بنەماڵەی ئاروەند، محەممەد ئەمین لە کاتی ڕفاندنییەوە تاکوو ئێستا، مافی دەستپێڕاگەیشتن بە دەرمانی پێویستی نییە و تەندروستیی ناوبراو لە مەترسیدایە.
لە لایەکی ترەوە، سەرەڕای گوشارە دەروونی و جەستەیییەکانی هێزەکانی حکومەت بۆ سەر ناوبراو لە بەندیخانە، ئەگەری سەرهەڵدانی دووبارەی نەخۆشییەکەی لە ئارادایە.
کۆمێنت (0)
تا ئێستا هیچ کۆمێنتێک نەکراوە.