به‌هۆی سۆپاوه‌ ئاگر له‌ ماڵێك كه‌وته‌وه‌

به‌ڕێوه‌به‌رایه‌تی به‌رگریی شارستانی سۆران ڕایگه‌یاند كه‌ ئه‌مڕۆ دووشه‌م ئاگر له‌ ماڵێكی شارۆچكه‌ی چۆمان كه‌وتۆته‌وه‌، ڕووداوه‌كه‌ش به‌هۆی سۆپای نه‌وته‌وه‌ بووه‌.

به‌رگریی شارستانی سۆران ڕایگه‌یاند: ئەمڕۆ دووشەم ئاگادار کراینەوە بە هەبوونی ڕووداوێکی ئاگرکەوتنەوە لە ماڵی هاووڵاتییەک لە شارۆچكه‌ی چۆمان.

ڕاشیگه‌یاند: دوای ئاگاداركردنه‌وه‌كه‌ تیمی ئاگرکوژێنەوەی بنکەی بەرگریی شارستانی چۆمان بۆ شوێنی ڕووداوه‌كه‌ ده‌رچوو و توانیان ڕێگری لە زیادبوونی ئاگرەکە بکەن و زیانەکان کەمتر بکەنه‌وه‌ .

هه‌روه‌ها ڕایگه‌یاند: بەپێی ڕاپۆرته‌كان، هۆکاری ڕوودانی ئاگرەکە سۆپای نەوت بووه‌.

به‌رگریی شارستانی سۆران ئاماژه‌ی به‌وه‌ش دا كه‌ جیا لە زیانی ماددی، هیچ زیانێکی گیانی له‌ كه‌وتنه‌وه‌ی ئاگره‌كه‌ نەبوو.