سوپای پاسدارانی ئێران پارێزه‌ر مسته‌فا نیلی ده‌ستگیر كرد كه یه‌كێكه له 10 پارێزه‌ری ناوداری ئێران به‌هۆی خۆپێشاندان و ناڕه‌زایی ده‌ربڕینه‌كانه‌وه دژ به حكوومه‌ت له ئێران ده‌ستگیركرا.
له‌مباره‌وه فاتیمه نیلی كه خوشكی مسته‌فا نیلییه و له تویته‌ر نووسیویه‌تی كه چه‌ند پاسدارێک له سوپای پاسداران شه‌وی دووشه‌ممه له‌سه‌ر سێشه‌ممه براكه‌یان له فڕۆكه‌خانه‌ی نێوده‌وڵه‌تیی تاران ده‌ستگیر كردووه به‌ر له‌وه‌ی هه‌ڵبكوتنه سه‌ر ماڵی دایكی و ده‌ست به‌سه‌ر هه‌ندێک كه‌لوپه‌لی تایبه‌تدا بگرن.
لای خۆیه‌وه سه‌عید ده‌هقان كه ئه‌ویش پارێزه‌رێكی دیكه‌ی ناوداره و له ده‌ره‌وه‌ی ئێرانه، ئه‌ویش لای خۆیه‌وه ده‌ستگیركردنی مسته‌فا نیلیی له تویته‌ر پشت ڕاست كردووه‌ته‌وه.
له ئاكامی ئه‌و ناڕه‌زایی و خۆپێشاندانانه‌ی شاره‌كانی ئێرانیان گرتووه‌ته‌وه تاوەکو ئێستا 304 كه‌س به گولله‌ی هێزه ئه‌منییه‌كان كوژراون و ژماره‌یه‌كی زۆریش برینداركراون بێجگه له ده‌ستگیركردنی سه‌دان كه‌سی دیكه.
کۆمێنت (0)
تا ئێستا هیچ کۆمێنتێک نەکراوە.