پۆلیسی هەولێر ئەمڕۆ چوارشەممە 09ـی 11ـی 2022 دەستگیرکردنی ئافرەتێکی بە تۆمەتی بازرگانیکردن و بەکارهێنانی ماددەی ڕاگەیاند.
بەڕێوەبەرایەتی پۆلیسی هەولێر ڕایگەیاند: بەشی پۆلیسی فریاکەوتنی هەولێر، شەوی ڕابردوو لە گەڕەکی ئاشتی سنووری شاری هەولێر تۆمەتبارێکی ئافرەتیان بەناوی (د. ع. ا.) دەستگیر کرد بەتۆمەتی بازرگانیکردن و بەکارهێنانی ماددەی هۆشبەر.
ڕاشیگەیاند: لە کاتی دەستگیرکردنی تۆمەتبار دەست بەسەر بڕێک ماددەی هۆشبەر و چەند شوشە پایپی بەکارهێنانی ماددەی هۆشبەر و چەندین دنکە حەبی ترامادۆڵدا گیرا.
پۆلیسی هەولێر ئاماژەی بەوەش داوە کە تۆمەتباری ناوبراو ڕەوانەی بەڕێوەبەرایەتی ئاسایش بەشی نەهێشتنی تاوانی ماددە هۆشبەرەکان کرا تاوەکو ڕێککاری یاسایی بەرامبەر تۆمەتبار بگیرێتە بەر.
کۆمێنت (0)
تا ئێستا هیچ کۆمێنتێک نەکراوە.