ساسان عەونی وه‌زیری شاره‌وانی و گه‌شت و گوزار رایگه‌یاند: كێشەی زەویی تەرخانكراو بۆ ماڵباتی شەهیدان و ئەنفالكراوانی گەرمیان چارەسەر دەكەین.
ئه‌مڕۆ سێشه‌ممه 15 ى 11 ى 2022، له راگه‌یاندراوێكدا، وه‌زاره‌تی شاره‌وانی و گه‌شت و گوزاری حكوومه‌تی هه‌رێمی كوردستان بڵاویكرده‌وه: بە بڕیاری حكومەتی هەرێمی كوردستان، زەوی بۆ ماڵباتی شەهیدان و ئەنفاكراوان و زیندانیانی سیاسیی دەڤەری گەرمیان تەرخان كراوە، بەڵام تا ئێستا شوێنی ئەو زەوییانە دیاری نەكراو و بۆ ئەم مەبەستەش ساسان عەونی، وەزیری شارەوانی و گەشتوگوزار پێشوازی لە سەرپەرشتیاری ئیدارەی گەرمیان كرد و ئاماژەی دا بەوەی ئەركێكی سەرەكی حكومەتی هەرێمی كوردستان ئەوەیە خزمەتی ماڵباتی شەهیدان و ئەنفالكراوان و زیندانیانی سیاسی بكات.
وه‌زاره‌تی شاره‌وانی رایده‌گه‌ێنێت: ساسان عه‌ونی وەزیری شارەوانی و گەشتوگوار لەگەڵ شاندی ئیدارەی سەربەخۆی گەرمیان كۆبووەوە كە پێكهاتبوون لە جەلال شێخ نووری، سەرپەرشتیاری ئیدارەی سەربەخۆی گەرمیان و ژماره‌یه‌كی دیكه له‌به‌رپرسانی لایه‌نی په‌یوه‌ندیدار له‌ناوچه‌كه لەسەر چەند تەوەرێكی گرنگ گفتوگۆیان كرد.
هه‌روه‌ها وه‌زیری شاره‌وانی و گه‌شت و گوزاری به‌شاندی میوانی راگه‌یاند: كێشەی زەویی تەرخانكراو بۆ ماڵباتی شەهیدان و ئەنفالكراوانی گەرمیان چارەسەر دەكەین.
دارشتنه‌وه‌ی هه‌واڵ - شوان عه‌زیز
کۆمێنت (0)
تا ئێستا هیچ کۆمێنتێک نەکراوە.