نوێنەرایەتیی نەتەوەیەکگرتووەکان لە عێراق سەبارەت بە هێرشەکان بۆ خاکی هەرێمی کوردستان جەخت دەکاتەوە کە پێویستە ئەو هێرشانە ڕابگیرێن.
نوێنەرایەتیی نەتەوەیەکگرتووەکان لە عێراق (UNAMI) ڕایگەیاند: هێرشی دووبارە و پێشێلکردنی سەروەری عێراق دەبێت ڕابگیرێت.
ڕاشیگەیاند: ئەم کارە شەڕانگێزییانە نەک هەر بە بێباکانە گرژییەکان زیاتر دەکات بەڵکوو کارەساتیشی لێدەکەوێتەوە.
یونامی ئاماژەی بەوەش داوە کە تاکە ڕێگە بۆ یەکلاکردنەوەی کێشە دەرەکییەکانی وڵاتانی دراوسێ بریتییە لە بەکارهێنانی ئامرازە دیپلۆماسییە دامەزراوەکان.
شەوی ڕابردوو ئێران بە مووشەک و درۆن بەچڕی هێرشی کردە سەر ناوچەکانی جێژنیکان لە ناحییەی بەحرکەی سنووری پارێزگای هەولێر، قەڵای دیموکرات و بنکەی تەندروستی ئازادی لە کۆیە و زرگوێز لە سنووری پارێزگای سلێمانی، لە بۆردومانەکە کەسێک شەهید بوو.
کۆمێنت (0)
تا ئێستا هیچ کۆمێنتێک نەکراوە.