جێگری سەرۆکی پەرلەمانی عێراق ڕایگەیاند، پێویستە حکوومەتی فیدراڵی دەسەڵاتی خۆی بەکاربهێنێت بۆ ڕێگریکردن لەو هێرشانەی دەکرێتە سەر خاکی هەرێمی کوردستان و عێراق.
د. شاخەوان عەبدوڵا، جێگری سەرۆکی پەرلەمانی عێراق ڕایگەیاند: بەپێی دەستوور، پێویستە حکوومەتی عێراق ڕێگە بە هەرێمی کوردستان بدات بۆ ئەوەی کۆمەڵگەی نێودەوڵەتیی لەبارەی هێرشەکانی سەر هەرێمی کوردستان ئاگادار بکاتەوە، بێگومان ئەوەی بەرامبەر هەرێمی کوردستان دەکرێت، پێشێلکردنی دەستوور و سەروەریی خاکی عێراقە، ئەمەش کارێکی دەستوورییە کە حکوومەتی هەرێمی کوردستان ئەنجامی بدات.
ڕاشیگەیاند: دەکرێت و پێویستیشە حکوومەتی عێراق دەسەڵاتی خۆی بەکار بێنێت و ڕێگری بکات، بۆ ئەوەی چیتر ئەو هێرش و دەستدرێژیانەی دەکرێنە سەر خاکی عێراق و هەرێمی کوردستان، دووبارە نەبنەوە.
هێرشەکانی تورکیا و ئێران بۆ سەر خاکی هەرێمی کوردستان بەردەوامن و تاوەکوو ئێستاش حکوومەتی عێراق و بگرە کۆمەڵگەی نێودەوڵەتییش هەڵوێستێکی کرداری و جددییان نەبووە و زیاتر لەڕێگەی ڕاگەیەنراو و سەرکۆنەکردن بووە، کە ئەمەش نەبۆتە هۆی ئەوەی ئەو هێرشانە بوەستێنرێن.
کۆمێنت (0)
تا ئێستا هیچ کۆمێنتێک نەکراوە.