لە خۆپێشاندانی قوتابییانی زانکۆ و پەیمانگەکانی پارێزگای سلێمانی ئەمڕۆ دووشەممە 21ـی 11ـی 2022 ژمارەیەک قوتابیی زانکۆ لەلایەن هێزە ئەمنییەکانی ئەو شارەوە دەستبەسەر کراون.
پەیامنێری (کوردستان تیڤی) پێی ڕاگەیاندین: بەهۆی خۆپێشاندانەوە ژمارەیەکی زۆری قوتابیی لە هۆڵی زانکۆکانیان لەلایەن هێزە ئەمنییەکانەوە دەستبەسەر کراون.
ڕاشیگەیاند: لە خۆپێشاندانەکان هێزە ئەمنییەکان گازی فرمێسکڕێژیان بۆ بڵاوەپێکردنی ئەو قوتابییانە بەکارهێناوە.
نزیکەی دوو هەفتەیە خۆپێشاندانی قوتابییانی زانكۆ و په‌یمانگه‌كان بۆ داوای پێدانی دەرماڵەی مانگانە بەردەوامە و به‌مهۆیه‌وه هه‌فته‌ی ڕابردوو ده‌وام لە بەشێکی زانکۆکانی ئەو پارێزگایە ڕاگیرابوو.
کۆمێنت (0)
تا ئێستا هیچ کۆمێنتێک نەکراوە.