سەرلەبەیانی ئەمڕۆ سێشەممە 22ی نۆڤێمبەر، مەسرور بارزانی، سەرۆكی حكومەتی هەرێمی كوردستان سەرپەرشتی كۆبوونەوەیەكی تایبەت بە هۆكاری ڕووداوەكانی تەقینەوەی غاز لە سلێمانی و دهۆك كرد.
لە دەستپێكی كۆبوونەوەكە، سەرۆكی حكومەت پرسە و سەرەخۆشی قووڵی ئاراستەی بنەماڵە و كەسوكاری قوربانییەكان كرد و هیوای چاكبوونەوەی خێرای بۆ بریندارانی ڕووداوەكان خواست.
سەرۆكی حكومەت بە ڕێز و پێزانینێكی زۆرەوە، باسی لە گیانفیدایی و قوربانیدانی ڕائید عەلی بەرواری جێگری بەڕێوەبەری پۆلیسی فریاكەوتنی دهۆك و پۆلیسە هاوكارەكانی كرد كە لە پێناو پاراستنی گیانی هاووڵاتییان و بەتایبەتی قوتابییان، خۆیان كردە قوربانی.
سەرۆكی حكومەت لایەنە پەیوەندیدارەكانی حكومەتی راسپارد كە پێداچوونەوە بە هەموو ئەو شوێنە گشتی و تایبەتانەی ئەم جۆرە سیستەمە بەكاردەهێنن بكەن و لێكۆڵینەوەی جیدی و ورد لە بارەی جۆری غازەكە و لایەنە جێبەجیكارەكان و هۆكارەكانی ڕووداوەكانی سلێمانی و دهۆك بكەن . تا دەركەوتنی ئەنجامی لێكۆڵینەوەش، بڕیاردرا بەكارهێنانی سیستەمەكە لەو شوێنانەی بەكاردەهێنرێت، ڕابگیرێت
مه‌سرور بارزانی سه‌رپه‌رشتی كۆبوونه‌وه‌یه‌كی تایبه‌ت به‌رووداوه‌كانی ته‌قینه‌وه‌ی غاز ده‌كات
100%
کۆمێنت (0)
تا ئێستا هیچ کۆمێنتێک نەکراوە.