هه‌ر له درێژه‌ى سه‌ردانه‌كه‌يدا بۆ به‌غدا، ئه‌مشه‌و سێشه‌م نێچيرڤان بارزانى سه‌رۆكى هه‌رێمى كوردستان له كۆبوونه‌وه‌يه‌كدا له‌گه‌ڵ شێخ قه‌يس ئه‌لخه‌زعه‌لى سه‌رۆكى عه‌سائيبى ئه‌هلى حه‌ق، ده‌رباره‌ى دوايين پێشهاته‌كانى دۆخى سياسى و ئه‌منيى عێراق و ئاڵنگارييه‌كانى به‌رده‌مى و شه‌ڕى دژى تيرۆر، بيروڕايان ئاڵوگۆڕ كرد.
هه‌ردوولا جه‌ختيان له گرنگى و پێويستيى پشتگيركردنى حكوومه‌تى نوێى عێراق و سه‌رۆك وه‌زيران ئه‌لسوودانى كرده‌وه بۆ جێبه‌جێكردنى كارنامه‌كه‌ى و كارى پێكه‌وه‌يى و هاريكاريى نێوان لايه‌ن و پێكهاته‌كانى عێراق له‌پێناو پاراستنى ئارامى و سه‌قامگيريى سياسى و ئه‌منى و به‌پيره‌وه‌چوونى داواكاريى هاووڵاتييان له ژيانێكى باشتر و خزمه‌تگوزارى و ده‌ره‌فه‌تى كار.
دووباره‌بوونه‌ى پێشێلكردنى سه‌روه‌ريى عێراق و به‌ئامانجگرتن و بۆردومانكردنى هه‌رێمى كوردستان و دوايين پێشهاته‌كانى ناوچه‌كه به‌گشتى، ته‌وه‌رێكى ديكه‌ى ديداره‌كه بوو.
کۆمێنت (0)
تا ئێستا هیچ کۆمێنتێک نەکراوە.