سەرۆکی حکوومەتی هەرێمی کوردستان ئەمڕۆ چوارشەممە 23ـی 11ـی 2022 نامەیەکی لە سەرۆک وەزیرانی نوێی پێگەیشت، تێیدا هاتووە کە پەیوەندییان لەگەڵ هەرێمی کوردستان لەهەر کاتێک بەهێزترە.
سەرۆک وەزیرانی شانشینی یەکگرتوو لە نامەکەیدا ئاماژەی بەوە داوە کە شانشینی یەکگرتوو، پەیوەندییەکی دێرینی لەگەڵ هەرێمی کوردستانی هەیە و خۆشحاڵم کە پەیوەندییە مێژووییەکەمان، ئەمڕۆ لە هەر کاتێک زیاتر بەهێزترە، بەها و بوارەکانی هاوکاری زۆر هاوبەشمان لەگەڵ یەک هەیە.
جەختیشی کردەوە کە شانشینی یەکگرتوو، پابەندە بە ئاسایش و سەقامگیری هەرێمی کوردستان وەک بەشێک لە عێراقێکی بەهێز و یەکگرتوو.
هەر لە نامەکەیدا سەرۆک وەزیرانی شانشینی یەکگرتوو، جەختی لە گرنگیی پەرەپێدانی پەیوەندییەکانی نێوان هەرێمی کوردستان و بەریتانیا، بەتایبەتی لە بوارەکانی بازرگانی و وەبەرهێنان و کشتوکاڵ و بەدیجیتەڵکردن دەکاتەوە.
سەرۆک وەزیرانی شانشینی یەکگرتوو، لە کۆتایی نامەکەیدا دەڵێت: بە خۆشحاڵییەوە بەهیوای کارکردنم لەگەڵتان لە ماوەی سەرۆک وەزیریانەکەمدا.
کۆمێنت (0)
تا ئێستا هیچ کۆمێنتێک نەکراوە.