دەستەی وەبەرهێنانی هەرێمی کوردستان ڕایگەیاند، نەمسا دەیەوێت لە ڕێگەی جووڵەی ئابووری و بازرگانییەوە پشتگیری هەرێمی کوردستان بکات.
لە ڕاگەیەنراوێک دەستەی وەبەرهێنانی هەرێمی کوردستان ڕایگەیاند: د. محەمەد شوکری، سەرۆکی دەستەی وەبەرهێنان بەشداری ئیڤێنتێکی ئابووری و بازرگانی نێوان هەرێمی کوردستان و نەمسای کرد.
ڕایگەیاند: ئیڤێنتەکە لەلایەن باڵیۆزخانە و گەورە دیپلۆماتکارانی کۆماری نەمسا لە عێراق بۆ وەبەرهێنەر و خاوەنکار و بزنسمانانی هەرێمی کوردستان و نەمسا ڕێکخرابوو.
د. محەمەد شوکری لە ئیڤێنتەکە گوتی: هەرێمی کوردستان دەرگای فراوانی کردووەتەوە بۆ وەبەرهێنەرانی بیانی لە هەموو سێکتەرەکان بە تایبەت لە سێکتەرەکانی پیشەسازی، تەکنەلۆژیا و بابەتی ڕیساکڵین.
گوتیشی: حکوومەتی هەرێمی کوردستان لەڕێگەی دامەزراوەکانی هەموو ئاسنکارییەک بۆ وەبەرهێنەر و کۆمپانیاکانی بیانی دەکات کە کاری وەبەرهێنان بکەن لە هەرێمی کوردستاندا.
دەستەی وەبەرهێنان ئاماژەی بەوە داوە کە کۆماری نەمسا خاوەن ئابوورییەکی پێشکەوتوو و بەهێزە و یەکێکیشە لە چواردە دەوڵەمنترین وڵاتی جیهان لەڕووی بەرهەمی ناوخۆیی.
کۆمێنت (0)
تا ئێستا هیچ کۆمێنتێک نەکراوە.