بەهۆی لافاو لە سنووری پارێزگای کەرکووک ئەمڕۆ هەینی 25ـی 11ـی 2022 دوو منداڵ بێسەروشوێنن، خێزانەکەشی گیریان خواردووە.
پەیامنێری (کوردستان تیڤی) پێی ڕاگەیاندین: دوو منداڵ بەهۆی لافاو لە دەوروبەری گوندی حەسار سەر بە شارەدێی شوان لە سنووری پارێزگای کەرکووک بێسەروشوێنن.
ڕاشیگەیاند: منداڵەکان لە نەتەوەی عەرەبن، باوک و دایکی ئەو منداڵانە پاسەوانی حەوزی ماسیین لە گوندی حەسار.
ئاماژەی بەوەش دا کە خەڵکی ناوچەکە سەرقاڵی گەڕانن بەدوای ئەو دوو منداڵە، بەهۆی لافاو و بارانبارینەوە تاوەکو ئێستاش تیمەکانی بەرگری شارستانیش نەگەیشتوونەتە شوێنەکە.
پەیامنێرمان باسی لەوەش کرد کە بەهۆی لافاوەوە ڕێگەی گوندی حەسار و پارێزگای کەرکووک داخراوە.
پەیامنێر- کەرکووک
کۆمێنت (0)
تا ئێستا هیچ کۆمێنتێک نەکراوە.