پاڵەوانێتی شەترەنجی راپیدی نێودەوڵەتی خانزاد كۆتایی هات

یانه‌ی شه‌تره‌نجی خانزاد له‌ پایته‌ختی هه‌رێمی كوردستان له‌كاروچاڵاكییه‌كانی به‌رده‌وامه‌ و كۆتایی  به‌ سی و پێنجەمین پاڵەوانێتی شەترەنجی راپیدی نێودەوڵەتی خانزاد هات.
له‌ده‌ستپێكی ڕۆژی یه‌كه‌می پاڵه‌وانێتییه‌كه‌ كه‌ به‌ئاده‌بوونی د.كارزان كه‌ریم خوارحم راوێژكاری سه‌رۆكی حكوومه‌تی هه‌رێم  بۆ كاروباری په‌روه‌رده‌ و فێركردن، د.دلزار حه‌مه‌ ساڵح سه‌رۆكی یانه‌ی شه‌تره‌نجی خانزاد و ئازاد سابیر سه‌رۆكی یه‌كێتی شه‌تره‌نجی هه‌ولێر و پشتیوان ئه‌حمه‌د ئه‌ندامی یه‌كێتی شه‌تره‌نجی عێراق، ده‌ست به‌ركابه‌رییه‌كانی پاڵه‌وانێتییه‌كه‌كرا.  
ئێواره‌ی دوێنێ هه‌ینیش 25ی 11 ی 2022، یانه‌ی شه‌تره‌نجی خانزاد كۆتایی به‌و پاڵه‌وانێتییه‌ هێنا كه‌ له‌ماوه‌ی 2 ڕۆژدا بۆ ژماره‌یه‌ك یاریزانی كوڕو كچی شاری هه‌ولێر و یاریزانانی یانه‌ كردبوویه‌وه‌. 
پاڵه‌وانێتییه‌كه‌ سی و پێنجه‌مین پاڵه‌وانێیه‌تی راپیدی خانزاد بوو به‌ سیسته‌می سویسری 9 ڕاوند به‌كاتی  15min10secبۆ هەریاریزانێکی به‌شداربوو.
ئه‌نجام له‌ پاڵه‌وانێتیه‌كه‌شدا به‌م شێوه‌یه‌ بوو: 
1- عه‌بدوڵڵا عه‌مار- پله‌ی یه‌كه‌م 
2-به‌همه‌ن عومه‌ر - پله‌ی دووه‌م
3-پۆڵا ئازاد سابیر - پله‌ی سێیه‌م
4-دڵسۆز عومه‌ر - پله‌ی چواره‌م
5- سارا مه‌سعود محه‌مه‌د - پله‌ی پێنجه‌م
6- په‌یوه‌ند مه‌حمود محه‌مه‌د - پله‌ی شه‌شه‌م

دارشتنه‌وه‌ی هه‌واڵ- شوان عه‌زیز