نێچیرڤان بارزانی لەگەڵ سەرۆكی هاوپەیمانیی عەزم كۆبووەوە

بەیانیی ئەمڕۆ یەكشەممە 2022.11.27 نێچیرڤان بارزانی، سەرۆكی هەرێمی كوردستان لە بەغدا لەگەڵ موسەننا ئەلسامەڕائی، سەرۆكی هاوپەیمانیی عەزم كۆبووەوە.
لە كۆبوونەوەكەدا دوایین پێشهاتە سیاسی و ئەمنییەكانی وڵاتیان تاوتوێ كرد و جەختیان لە پێویستیی و گرنگیی هاریكاری هاوبەشی هێز و لایەنە عێراقییەكان بۆ تێپەڕاندنی سەختییەكان و پشتگیری لە حكوومەتی نوێی فیدراڵی بۆ سەرخستنی كارنامەكەی كردەوە.
لە كۆبوونەوەكەدا كە شاندی یاوەری نێچیرڤان بارزانی و ژمارەیەك لە سەركردەكانی هاوپەیمانیی عەزم ئامادەی بوون، هەردوولا جەختیان لە برەودان بە گیانی پێكەوەیی و هاووڵاتیبوون و كاركردنی هەموو لایەنەكان وەك تیمێك، كردەوە.