له‌دوای هه‌شت پڕۆسه‌ی خوێندن له‌گوندی دووگردكان له‌سنووری قه‌زای مه‌خموور ده‌ستی پێكرده‌وه.
ڕه‌سول حه‌مه‌ده‌مین، به‌رێوه‌به‌ری په‌روه‌رده‌ی قه‌زای مه‌خمور به‌ماڵپه‌ری كوردستان تیڤی راگه‌یاند: دوای هه‌شت له‌دوای ئه‌وه‌ی ماوه‌ی هه‌شت ساڵ بوو پڕۆسه‌ی خوێندن له گوندی دووگردكان له‌سنووره‌كه‌مان په‌خرابوو، ئه‌مرۆ دووشه‌ممه28ى11ى 2022، له رێوره‌سمێكدا، قوتابخانه‌ی بنه‌ڕه‌یتی دووگردكان له‌سنووره‌كه‌دا كرایه‌وه.
راشیگه‌یاند: هۆكاری ڕاوه‌ستانی پرۆسه‌ی خوێندن له‌گونده‌كه له‌ماوه‌ی ئه‌و ساڵانه‌دا به‌هۆی شه‌ڕی داعش و جموجۆڵی چه‌كدارانی ئه‌و رێكخراوه‌بووه.
ڕه‌سول حه‌مه‌ده‌مین، به‌رێوه‌به‌ری په‌روه‌رده‌ی قه‌زای مه‌خمور گوتیشی، وه‌زاره‌تی په‌روه‌رده‌ی حكوومه‌تی هه‌رێمی كوردستان پێداویستییه‌كانی خوێندن بۆ ئه‌م قوتابخانه‌یه و هه‌روه‌ها نه‌وت و سۆپای دابینكردووه بۆ قوتابیانمان.
كارزان كاكل - مه‌خمور
کۆمێنت (0)
تا ئێستا هیچ کۆمێنتێک نەکراوە.