دوای نیوەڕۆی ئەمڕۆ دووشەم لەسەر رێگه‌ی گشتی هامڵتۆن لەنێوان سۆران - چۆمان ئۆتۆمبێلێک وەرگەڕا و شۆفێرەکەی بریندار بوو.
بەڕێوەبەرایەتی هاتووچۆی سۆران رایگەیاند: ڕووداوەکە لە سەر ڕێگه‌ی سەرەکی هامڵتۆن لە نزیک دووڕیانی سمیلان ڕوویداوە، ئۆتۆمبێلێکی جۆری نیسان سەنی لە ئەنجامی تیژڕۆیی و پابەندنەبوون بە یاساکانی هاتووچۆ وەرگەڕاوە، لە ئەنجامی رووداوەکە شوفێری ئۆتۆمبێلەکە بریندار بوو.
راشیگەیاند: جگە له برینداربوونی شوفێره‌كه، هه‌روه‌ها زیانێکی زۆر بەر ئۆتۆمبێلەکەش کەوت.
بەڕێوەبەرایەتی هاتووچۆی سۆران داوای لە شوفێران كرد بۆ سەلامەتی هەموو لایەک، پابەندی یاساکانی هاتووچۆ بن.
كوردستان تیڤی/ كه‌ریم سمكۆ
کۆمێنت (0)
تا ئێستا هیچ کۆمێنتێک نەکراوە.