ئەمریكا و ئیسرائیل هێرش دەكەنە سەر دامەزراوە ئەتۆمییەكانی ئێران 

بەگوێرەی میدیا ئیسرائیلییەكان، ئەمریكا و ئیسرائیل خۆیان بۆ ڕووبەڕووبوونەوەی ئێران و هێرش كردنە سەر دامەزراوە ئەتۆمییەكانی ئەو وڵاتە ئامادە دەكەن.
لەو بارەیەوە كەناڵی I24 بڵاویكردەوە كە، ڕۆژی سێشەممە، سوپای ئیسرائیل و ئەمریكا مانۆڕێكی سەربازی هاوبەشیان بۆ هێرشكردنە سەر دامەزراوە ئەتۆمییەكانی ئێران ئەنجامدا.
بەگوێرەی ئەو سەرچاوەیە، مەبەست لەم مانۆڕە هاوبەشە، ئامادەكردنی هەردوو وڵاتە بۆ هێرشكردنە سەر دامەزراوە ئەتۆمییەكانی ئێران.
هەر لەو مەشقەدا فڕۆكەوانە ئیسرائیلی و ئەمریكییەكان لەسەر گەشتە دوور مەوداكان ڕاهێنانیان پێكرا.
وەك دەزانرێت هەفتەی ڕابردوو ئیسرائیل ئاشكرای كرد كە ئێران زیاتر لە هەزار مووشەكی بالیستیكی جیاوازی هەیە.