به‌ڕێوه‌به‌رایه‌تی گشتیی كه‌شناسی و بوومه‌له‌رزه‌زانی هه‌رێمی كوردستان ئاشكرای كرد كه ئه‌مشه‌و نمه‌باران له هه‌ندێ ناوچه ده‌ستپێده‌كاته‌وه و سبه‌ی چوارشه‌میش بارانبارینه‌كه سه‌رتاسه‌ری ده‌بێت و هه‌وره‌تریشقه و به‌فربارینیشی له‌گه‌ڵ ده‌بێت.
كه‌شناسی سه‌باره‌ت به كه‌شوهه‌وای ئه‌مشه‌و سێشه‌م ڕایگه‌یاند: پێشبینى دەکرێ ئەمشەو ئاسمانى هەرێم هەور بێت لەگەڵ بارینى نمەباران بە تایبەت لە ناوچە شاخاوییەکان.
سه‌باره‌ت به كه‌شوهه‌وای سبه‌ی چوارشه‌م ئاماژه‌ی دا: لە کاتەکانى بەیانى زووی سبه‌ی چوارشه‌م شەپۆلێ بارانبارین شۆڕ دەبێتەوە و سەرجەم ناوچەکانى هەرێم دەگرێتەوە.
هه‌روه‌ها ڕایگه‌یاند: پێشبینى دەکرێ ڕێژەی بارانبارین لە ناوچە شاخاوییەکانى دهۆک و ئیدارەى سۆران و بەشێک لە ناوچە شاخاوییەکانى ڕاپەڕین زیاتر بێت، هه‌روه‌ها هەندێ کاتیش هەورە تریشقەشى لە گەڵدا دەبێت.
به‌ڕێوه‌به‌رایه‌تی گشتیی كه‌شناسی و بوومه‌له‌رزه‌زانی هه‌رێمی كوردستان جه‌ختیشی كرده‌وه كه پێشبینی ده‌كرێ له‌سه‌ر لووتكه‌ی شاخه سنوورییه‌كان به‌فر ببارێت.
کۆمێنت (0)
تا ئێستا هیچ کۆمێنتێک نەکراوە.