ئالان حەمەسەعید وەزیرێ پەروەردێ ئێڤارێ ئەڤرو سێشەمبێ 29ـی 11ـی 2022 سەرەدانا قوتابیێن وێ پشکا ناڤخویی ل باژێرێ دهوکێ کر یێن بەری ماوەیەکی توشی رویدانا دلتەزینا پەقینا غازێ بووین و بویە ئەگەرێ شەهید بونا حەفت کەسان وبرینداربونا ژمارەکا مەزنا قوتابییان، پالپشتیا سەروکێ حکومەتێ ژلایێ وەزیرێ پەروەردێ بو قوتابیێن هاتە گەهاندن.
وەزیرێ پەروەردێ و ب ئامادەبونا رێڤەبەرێ گشتی یێ پەروەردێ و بەرپرسێ لقێ دهوک یێ ئێکەتیا قوتابیێن کوردستانێ، سلاڤێن مەسرور بارزانی سەروکێ حکوومەتێ ب قوتابییان گەهاندن.
هەروەسا پالپشتیا دارایی یا سەروکێ حکومەتێ گەهاندنە قوتابیان و ئاشکرا کر کو هەر چێ پێدڤی بیت بو قوتابیان دێ هێتە کرن.
ئالان حەمەسەعید بەحسێ رولێ قارەمانانە یێ وان ئەفسەر و پولیسێن گیانێ خو کریە قوربانی و شەهید کەفتین پێخەمەت ساخی وسلامەتیا قوتابییان کر.
هەروەسا وەزیرێ پەروەردێ رولێ پارێزگەرێ دهوکێ و دەزگەهێ خێرخوازی بازانی و هەمی وان لایەنێن هاریکاری کر ی ب بەرزی سەنگاند.
رێڤەبەرێ گشتی یێ پەروەردێ سوپاسیا وەزارەتا پەروەردێ و پارێزگەرێ دهوکێ و هەمی وان لایەنان کر یێ هاریکار و هەڤکار .
کۆمێنت (0)
تا ئێستا هیچ کۆمێنتێک نەکراوە.