هێزە ئەمنییەكانی ئێران لە ترسی هێرشی خۆپیشاندەران خۆیان حەشار دەدەن

لە نامەیەكدا كە لە لایەن فەرماندەیی ئۆپراسیۆنەكانی دوای شەڕی ئێرانەوە دەرچووە، داوا لە هێزە ئەمنییەكان، پۆلیس و ئیتلاعاتییەكانی ڕێژیم كراوە، هەوڵی ناسینەوەی یاخیبووانی ئێرانی، ماڵ و هاوكارەكانیان بدەن.
لە درێژەی نامەكەدا كە بە نهێنی نێردراوە بەڵام كەوتۆتە دەستی هێرشبەرەكان و دابەشكراوە، نووسراوە كە زانیاری دروست ڕادەستی ئەوان كراوە كە هێرشبەرەكان هێرش دەكەنە سەر خەڵك و ماڵ و شوێنی ئەندامان لە ئیتڵاعات و هێزە ئەمنییەكان و هێزەكانی تری ڕژێم، بۆیە داوا كراوە كە ئەندامانی ئەو هێزانە خۆیان و ماڵ و خانەوادەكانیان بپارێزن تا شوێنەكانیان نەدۆزنەوە.
لە نامەكەدا نووسراوە كە خۆپیشاندانەكانی ئەمجارە بوونەتە هەڕەشەیەكی گەورە بۆ سەر ڕژێم و هێزەكانی ڕژێم، نەدەبوو ئەوەندە بەردەوام بێت، بۆیە پێویستە توندوتیژی زیاتر بەكاربهێنرێت بۆ كۆتاییهێنان بە خۆپیشاندانەكان، ئەگەر نا بە پێچەوانەوە كۆنتڕۆڵكردنی دۆخەكە قورس دەبێت.