میدیاكانی ئه‌فغانستان ئه‌مڕۆ چوارشه‌م بڵاویان كرده‌وه كه ته‌قینه‌وه‌یه‌كی به‌هێز له قوتابخانه‌یه‌كی ئایینی له باكوری وڵاته‌كه ڕوویداوه و به‌هۆیه‌وه ده‌یان قوتابی كوژران و بریندار بوون.
ته‌قینه‌وه‌كه نیوه‌ڕۆی ئه‌مڕۆ چوارشه‌م له قوتابخانه‌یه‌كی ئایینی له ناوچه‌ی سامانجان له باكوری ئه‌فغانستان ڕوویداوه، زانیارییه سه‌ره‌تاییه‌كانیش ده‌ری ده‌خه‌ن كه تا ئێستا ته‌رمی 23 كه‌س دۆزراوه‌ته‌وه و هه‌روه‌ها 30ی تریش بریندار بوون كه زۆرینه‌یان قوتابییانی قوتابخانه‌كه بوون.
ته‌قینه‌وه‌كه له‌كاتی ئه‌نجامدانی نوێژی به‌كۆمه‌ڵی قوتابییان و فه‌رمانبه‌رانی قوتابخانه ئاینییه‌كه ڕوویداوه كه بۆمبێكی دانراو و ئاماده‌كراو بووه.
سه‌باره‌ت به ئه‌نجامده‌ری ته‌قینه‌وه‌كه‌ش تا ئێستا هیچ لایه‌نێك به فه‌رمی به‌رپرسیاره‌تی ته‌قینه‌وه‌كه‌ی له ئه‌ستۆ نه‌گرتووه.
کۆمێنت (0)
تا ئێستا هیچ کۆمێنتێک نەکراوە.