پۆلیسی هەولێر ئەمڕۆ چوارشەممە 30ـی 11ـی 2022 دەستگیرکردنی کەسێکی بە تۆمەتی بەکارهێنانی ماددەی هۆشبەر ڕاگەیاند.
بەڕێوەبەرایەتی پۆلیسی هەولێر ڕایگەیاند: بەشی پۆلیسی فریاکەوتن، تۆمەتبارێکیان بە ناوی (ڕ. خ. ح.) دەستگیر کرد بە تۆمەتی کێشانی ماددەی هۆشبەر لە شەقامی (150) مەتری.
ڕاشیگەیاند: لە کاتی دەستگیرکردنی تۆمەتبار دەستبەسەر بڕێک ماددەی هۆشبەر و شوشەی پایپی بەکارهێنانی ماددەی هۆشبەردا گیرا.
پۆلیسی هەولێر ئاماژەی بەوەش داوە کە پەڕاوی لکۆڵینەوەی بۆ ڕێکخرا، ئێستا بە بڕیاری دادوەر، دەستبەسەرە و دواتر ڕادەستی بەڕێوەبەرایەتی گشتیی ئاسایشی ماددەھۆشبەرەکان دەکرێت.
کۆمێنت (0)
تا ئێستا هیچ کۆمێنتێک نەکراوە.