شارەزایەكی كەشناسی: لەناوەڕاستی هەفتەی داهاتوودا ئەگەری بارینی بەفرو باران هەیە

ئاراس جەبار ، شارەزای بواری كەشناسی بڵاویكردۆتەوە كە ئەمڕۆ پێنجشەمە 1-12-2022 هەرێمی كوردستان دەكەوێتەوە ژێر كاریگەری لاوازی پاڵەپەستۆیەكی بەرزی هەوا كە بۆ ماوەی چەند رۆژێك تا رۆژی سێشەمە 6-12-2022 لەسەر ناوچەكانمان جێگیر ئەبێت .
هەروەها دەڵێت: لەو ماوەیەدا كەش زیاتر بەشێوەیەكی سەقامگیر و ئاسمانی ناوچەكەش بەزۆری كات لەنێوان ساماڵ و نیمچە هەوردا دەگۆرێت و ئەگەری بارانبارین نابێت ، پلەكانی گەرماش لە رۆژی پێنج شەممەوە3 تا 4 پلەی سیلیزی بەرزبوونەوە بەخۆیەوە ئەبینێتەوە تا ماوەی كاریگەری ئەم بەرزە پاڵەپەستۆیە بەم شێوەیە پلەكانی گەرما جێگیر ئەبێت .
دەشڵێت: لە هەفتەی ئایندە رۆژی سێشەمەوە 6-12-2022 بۆ كۆتایی هەفتە ئەگەر هەیە لەم ماوەیەدا نزمەپاڵەپەستۆیەك لە دەریای ناوەراستەوە كاریگەری بكاتەوە سەر كەشی ناوچەكانمان و بارستە هەوایەكی ساردیشی لەگەڵدا ئەبێت كە ئەبێتە هۆی نزمبوونەوەی بەرچاو لە پلەكانی گەرما و زیاتر ساردبوونی كەش و بارینی بەفر لە ناوچە شاخاوییە بەرزەكاندا و بارانی مامناوەند و زستانەیی لەناوچەكەدا .

کەشى پێشبینیکراوى 48 کاتژمێرى داهاتوو

ئەمڕۆ پێنج شەممە 1 - 12- 2022

کەش/ ئاسمان نیمچە هەور دەبێت لەگەل لەگەل ئەگەری نمە بارانێکی کەمی پچر پچر لە ناوچە شاخاویيەکانی رۆژهەڵاتی هەرێم .

خێراى با / لەسەرخۆ دەبێت (10- 20) کم/ک.

ئاراستەی با/ باکووری رۆژئاوادەبێت .

پلەکانی گەرما / نزیک دەبێتەوە لە تۆمارکراوەکانی دوێنێ .

مەوداى بینین / لە نێوان ( 8 – 10 ) کم دەبێت .

پلەکانی گەرما / لەسەر نەخشەدا ئاماژەیان پێدراوە .

هەینی 2 - 12 - 2022

کەش/ ئاسمان نیمچە هەور دەبێت .

پلەکانی گەرما /نزیک دەبێتەوە لە تۆمارکراوەکانی ئەمرۆ .

خێراى با / لەسەرخۆ دەبێت (10- 20) کم/ک .

ئاراستەی با/ باکووری خۆرئاوا دەبێت .

مەوداى بینین / لە نێوان ( 8 – 10) کم دەبێت .

بەرزترین پلەکانی گەرمای پێشبینیکراو بە پلەی سیلیزی :

هەولێر : 20 پلەى سیلیزى

سلێمانی : 17 پلەى سیلیزى

دهۆک : 18 پلەى سیلیزى

کەرکوک : 21 پلەى سیلیزى

هەڵەبجە : 18 پلەى سیلیزى

زاخۆ : 18 پلەى سیلیزى

سۆران : 14 پلەى سیلیزى

گەرمیان : 21 پلەى سیلیزى

بەشى پێشبینى / 1 - 12 - 2022