نیوه‌ڕۆی ئه‌مڕۆ هه‌ینی له‌لایه‌ن فڕۆكه‌ی بێفڕۆكه‌وانه‌وه شاخی ئاسۆس له سنووری شارۆچكه‌ی ماوه‌ت بۆردومانكراوه و به‌گوێره‌ی زانیارییه سه‌ره‌تاییه‌كان له ئه‌نجامی بۆردومانه‌كه قوربانی كه‌وتۆته‌وه.
په‌یامنێری (كوردستان تیڤی) پێی ڕاگه‌یاندین: فڕۆكه بێفڕۆكه‌وانه‌كان نیوه‌ڕۆی ئه‌مرۆ هه‌ینی شاخی ئاسۆسیان له نزیك گوندی گه‌ڵاڵه له سنووری شارۆچكه‌ی ماوه‌ت بۆردومان كردووه.
ڕاشیگه‌یاند: به‌گوێره‌ی زانیارییه سه‌ره‌تاییه‌كان له ئه‌نجامی بۆردومانه‌كه‌دا دوو هاووڵاتی سڤیل بریندار بوون كه خه‌ڵكی گوندی قامیشن و له كاتی بۆردومانه‌كه‌دا له نزیك شاخه‌كه بوون.
په‌یامنێرمان ئاماژه‌ی به‌وه‌ش دا كه چه‌ند كه‌سێكی گوندی قامیش و خزم و كه‌سی برینداره‌كان، چوونه‌ته شوێنی ڕووداوه‌كه بۆ به‌هاناوه‌چوونی برینداره‌كان و گه‌یاندنیان بۆ نه‌خۆشخانه‌كان.
کۆمێنت (0)
تا ئێستا هیچ کۆمێنتێک نەکراوە.