شێروانە لە کوڕان و سیروانی نوێ لە کچان بوونە پاڵەوانی گۆڕەپان و مەیدانی یانەکانی کوردستان

لەژێر چاودێری لێژنەی ئۆلۆمپی هەرێمی کوردستان،بەسەرپەرشتی یەکێتی ناوەندی گۆڕەپان و مەیدانی کوردستان،  ئێوارەی ئەمڕۆ هەینی2ی12ی2022،کۆتایی بەپاڵەوانێیەتی گۆڕەپان و مەیدانی یانەکانی کوردستان لەسەر ئاستی لاوان بۆ کوڕان و کچان هات.

پاڵەوانێتیەکە لەماوەی دوو ڕۆژی ڕابردوو لەپارێزگای هەولێر بە بەشداری هەشت یانە لە کوڕان و حەوت یانە لەکچان لەبنکەی وەرزش و لاوانی عەنکاوە بەرێوەچوو.

ئێوارەی ئەمڕۆش بەئامادەبوونی موئەیەد مەغدید سەرۆکی لێژنەی ئۆلۆمپی هەرێمی کوردستان بەوەکالەت و د.ئاڵان قادر ئەمینداری گشتی لێژنەی ئۆلۆمپی و سەرۆک و جێگر و سکرتێر و ئەندامان لەیەکێتی ناوەندی گۆڕەپان و مەیدانی کوردستان دوا قۆناغەکانی پاڵەوانێتییەکە بەرێوەچوو، ئەنجامیش لەسەر هەردوو ئاستی کوڕان و کچان لەپلەکانی پێشەوە تا پلەکانی پێنجەم بەم شێوەیەبوو:

لەسەر ئاستی کوڕان:

1- یانەی شێروانە 132 خاڵ.

2- یانەی سیروانی نوێ 129 خاڵ.

3- یانەی سۆلافی نوێ 103 خاڵ.

4- یانەی چۆمان 55 خاڵ.

5- یانەی زانکۆ 51 خاڵ.

لەسەر ئاستی کچان:

1- یانەی سیروانی نوێ 129 خاڵ.

2- یانەی سەورە 121 خا

3- یانەی شێروانە 108 خاڵ.

4- یانەی چۆمان 30 خاڵ.

5- یانەی ئافرەتانی کەرکوک 12 خاڵ.

لەکۆتایشدا لەلایەن بەرپرسانی ئامادەبووی لێژنەی ئۆلۆمپی هەرێمی کوردستان و یەکێتی ناوەندی گۆڕە‌پان و مەیدانی کوردستان جام و بڕوانامەی بەشداربوو بە پاڵەوانان و بەشداربووان درا.

کاروچاڵاکییەکانی لێژنەی ئۆلۆمپی هەرێمی کوردستان،بەپشتگیری کابینەی نۆیەمی حکوومەتی هەرێمی کوردستان بەردەوامە.