ئه‌مڕۆ یه‌كشه‌ممه 2022/11/4 نێچیرڤان بارزانى، سه‌رۆكى هه‌رێمى كوردستان له دیدارێكدا له هه‌ولێر له‌گه‌ڵ یاکۆ بیرێندز کونسوڵی گشتیی نوێی شانشینی هۆڵەندا له هه‌رێمى كوردستان، پیرۆزباییى ده‌ستبه‌كاربوونى لێكرد و هیواى سه‌رۆكه‌وتنى بۆ خواست، هه‌روه‌ها هه‌موو پشتگیرییه‌كى خۆى و سه‌رۆكایه‌تیى هه‌رێمى كوردستانى بۆ سه‌رخستنى ئه‌ركه‌كه‌ى دووپات كرده‌وه.
هه‌ردوولا جه‌ختیان له خواستى دوولایه‌نه بۆ بره‌ودان به په‌یوه‌ندییه‌كان و به‌ره‌وپێشبردنیان له هه‌موو بواره‌كاندا به‌تایبه‌تى له بوارى كشتوكاڵدا كرده‌وه. لاى خۆیه‌وه نێچیرڤان بارزانى سوپاسى هه‌رێمى كوردستانى بۆ حكوومه‌تى هۆڵه‌ندا دووپات كرده‌وه بۆ پشتگیریى و هاریكارییان له هه‌رێمى كوردستان له كاتى شه‌ڕى دژى داعشدا.
کۆمێنت (0)
تا ئێستا هیچ کۆمێنتێک نەکراوە.