وەزارەتی سامانە سروشتییەکان ڕایگەیاند، زیاتر لە 156 هەزار خێزان لە وەرگرتنی نەوت سوودمەند بوونە.
وەزارەتی سامانە سروشتییەکانی هەرێمی کوردستان ڕایگەیاند: تاوەکو ئەمڕۆ 31 ملیۆن و ,307 هەزار و 800 لیتر نەوتی سپی لە سەرانسەری هەرێمی کوردستان (ناوچە شاخاوییەکان) دابەش کراوە و 156 هەزار و 539 خێزان سوودمەند بوون.
ڕاشیگەیاند: لە سنووری پارێزگای هەولێر و ئیدارەی سۆران 8 ملیۆن و 454 هەزار و 400 لیتر دابەشكراوە و 42 هەزار و 272 خێزان سوودمەند بوون.
ئەوەشی خستەڕوو کە لە سنووری پارێزگاکانی سلێمانی و هەڵەبجە و هەردوو ئیدارەی گەرمیان و ڕاپەڕین 12 ملیۆن و 213 هەزار و 800 لیتر دابەش کراوە و 61 هەزار و 69 خێزان سوودمەند بوون.
وەزارەتی سامانە سروشتییەکان ئاماژەی بەوەش دا کە لە سنووری پارێزگای دهۆک و ئیدارەی زاخۆ 10 ملیۆن و 639 هەزار و 600 لیتر دابەش كراوە و 53 هەزار 198 خێزان سوودمەند بوون.
کۆمێنت (0)
تا ئێستا هیچ کۆمێنتێک نەکراوە.