کەمێک پێش ئێستا؛ 8 مووشەک ئاراستەی سەربازگەی تورکیا لە زێلکان کران، ئەمەش دوای ئەوە دێت کە شەوی ڕابردووش چوار مووشەکی ئاراستە کرا.
محەمەد ئەمین بەڕێوەبەری ناحییەی زێلکان تایبەت بە (کوردستان تیڤی) ڕاگەیاند: سەرلەئێوارەی ئەمڕۆ یەکشەممە 04ـی 12ـی 2022، هەشت مووشەک لە ناوچەکانی ژێر دەسەڵاتی سوپای عێراق و حەشدی شەعبی ئاراستەی سەربازگەی تورکیا لە زێلکان کران.
ڕاشیگەیاند: سەرجەم مووشەکەکان لە چیای مەقلووب کەوتوونەتە خوارەوە و نەگەیشتوونەتە سەربازگەکە، کە ئەو سەربازگەیە دەکەوێتە بناری چیای مەقلووب.
بەڕێوەبەری ناحییەی زێلکان ئاماژەی بەوەش دا کە بۆردومانەکە هیچ زەرەر و زیانێکی لێ نەکەوتووتەوە، تەنیا ترس و دڵەڕاوکێی بۆ خەڵکی ناوچەکە دروست کردووە.
ئەمەش لەکاتێکدایە کە شەوی ڕابردوو چوار مووشەک ئاراستەی سەربازگەکە کران، بە هەمانشێوە هیچ زیانێکی لێنەکەوتەوە.
پەیامنێر- ئیسکان ڕەمەزان
کۆمێنت (0)
تا ئێستا هیچ کۆمێنتێک نەکراوە.