سەرۆکوەزیرانی عێراق، محەمەد شیاع سوودانی و سەرکۆماری فەڕەنسا، ئیمانوێل ماکرۆن پتەوترکردنی هاریکارییە هاوبەشەکانی نێوان هەردوو وڵاتیان تاوتوێ کرد.
نووسینگەی راگەیاندنی سەرۆکوەزیرانی عێراق لە راگەیەندراوێکدا ئاماژەی بەوەداوە کە محەمەد شیاع سوودانی و ئیمانوێل ماکرۆن پەیوەندییەکی تەلەفۆنییان ئەنجامداوە.
راشیگەیاندووە کە لە میانی پەیوەندییە تەلەفۆنییەکەدا، ژمارەیەک پرس کە جێگای بایەخی هەردوولا بوون تاوتوێ کراون، هەروەها گفتوگۆ کراوە لەبارەی پتەوترکردنی هاریکارییە هاوبەشەکانی نێوان بەغدا و پاریس.
باسی لەوەش کردووە کە محەمەد شیاع سوودانی جەختی کردووەتەوە لەسەر ئەوەی کە عێراق سوورە لەسەر گرتنەبەری سیاسەتیی نێوەندگیری و هاوسەنگ لەهەمبەر پرسە هەرێمیی و نێودەوڵەتییەکان و دووپاتی کردووەتەوە کە عێراق بەردەوامە لە کارکردن لە پێناو سەرخستن و بەدیهێنانی ئامانجەکانی دووهەمین کۆنگرەی بەغدا بۆ هاریکاری و هاوبەشی کە بڕیارە لە ماوەکانی داهاتوودا لە عەممان پایتەختی ئوردن ئەنجام بدرێت.
کۆمێنت (0)
تا ئێستا هیچ کۆمێنتێک نەکراوە.