سه‌رۆكی ڕووسیا ئه‌مڕۆ دووشه‌م به‌فه‌رمی واژووی له‌سه‌ر پڕۆژه‌یاسای قه‌ده‌غه‌كردنی پڕوپاگه‌نده بۆ هاوڕه‌گه‌زبازی و چه‌ند په‌یوه‌ندییه‌كی سێكسی ناسروشتی له‌نێوان مرۆڤه‌كان كرد.
ئاژانسی (تاس)ی ڕووسی بڵاوی كرده‌وه: ڤلادیمیر پووتین سه‌رۆكی ڕووسیا واژووی له‌سه‌ر ئه‌و پڕۆژه‌یاسایه كرد كه قه‌ده‌غه‌ی پڕوپاگه‌نده‌ی هاوڕه‌گه‌زخوازی و سێكسی ناسروشتی و گۆڕینی ڕه‌گه‌ز و ده‌ستدرێژی بۆ سه‌ر منداڵان ده‌كات.
ڕاشیگه‌یاند: به‌گوێره‌ی یاساكه پڕوپاگه‌نده بۆ ئه‌م كارانه‌ی سه‌ره‌وه له تۆڕه‌كانی كۆمه‌ڵایه‌تی و ده‌زگاكانی ڕاگه‌یاندن و سینه‌ما و ڕیكلام و هه‌ر هۆیه‌كی تری ڕاگه‌یاندن به تاوان داده‌نرێت و سزای یاسایی له‌سه‌ر ده‌درێ.
ئاماژه‌ی به‌وه‌ش دا: بۆ نموونه هه‌ر فیلمێكی سینه‌مایی ناوه‌ڕۆكه‌كه‌ی باس له هاوڕه‌گه‌زخوازی یاخود ده‌ستدرێژی بۆ سه‌ر منداڵان و گۆڕینی ڕه‌گه‌ز بكات، ڕێگه‌ی نیشاندان و نمایشكردنی پێ نادرێت.
ئه‌مه له‌كاتێكدایه كه ماوه‌یه‌كه له به‌شێك له وڵاتانی ئه‌وروپا و ئه‌مه‌ریكا و هه‌ندێ له وڵاتانی تریش به یاسا ڕیگه به هاوڕه‌گه‌زخوازی و هاوسه‌رگیری هاوشێوه ده‌درێت و به هه‌موو شێوه‌یه‌ك پشتگیری ده‌كرێن و ڕووبه‌ڕووی هه‌ر كه‌سێكیش ده‌بنه‌وه كه ناڕه‌زایی به‌رامبه‌ر پڕۆسه‌كه ده‌رببڕن.
کۆمێنت (0)
تا ئێستا هیچ کۆمێنتێک نەکراوە.