سه‌رله‌ئێواره‌ی ئه‌مڕۆ دووشه‌م ڕووداوێكی سه‌ختی هاتوچۆ له‌نێوان سێ ئۆتۆمبێڵ له‌سه‌ر ڕێگه‌ی كۆیه - هه‌ولێر ڕووی دا و به‌هۆیه‌وه 5 كه‌س بریندار بوون.
په‌یامنێرمان پێی ڕاگه‌یاندین: سه‌رله‌ئێواره‌ی ئه‌مڕۆ له‌سه‌ر ڕێگه‌ی كۆیه - هه‌ولێر له نزیك گوندی باوه‌قووبی بچووك ڕووداوێكی پێكدادان له‌نێوان سێ ئۆتۆمبێڵ ڕووی دا.
ڕاشیگه‌یاند: پێكدادانه‌كه له‌نێوان ئۆتۆمبێله‌كانی شۆفرلێت ئۆپترا، تۆیۆتا كڕۆلا ته‌كسی و نیسان پیك ئاپ ڕووی دا.
هه‌روه‌ها ڕایگه‌یاند: له ڕووداوه‌كه پێنج كه‌س بریندار بوون، به‌هۆی سه‌ختی برین و ناجێگری باری ته‌ندروستییان دوو له برینداره‌كان ڕه‌وانه‌ی نه‌خۆشخانه‌كانی شاری هه‌ولێر كران.
كوردستان تیڤی / كانیاو حه‌كیم
کۆمێنت (0)
تا ئێستا هیچ کۆمێنتێک نەکراوە.