سەرۆكی حكومەت پێشوازی لە باڵیۆزی سوید لە عێراق دەكات

ئەمڕۆ سێشەممە 6ی دیسەمبەر، مەسرور بارزانی، سەرۆكی حكومەتی هەرێمی كوردستان، پێشوازی لە جیسیكا سڤاردسترۆم باڵیۆزی سوید لە عێراق كرد.
لە دیدارەكەدا، پەرەپێدانی پەیوەندییەكانی سوید و هەرێمی كوردستان و بارودۆخی گشتیی عێراق و ناوچەكە تاووتوێ كران.
باڵیۆزی و خواستی وڵاتەكەشی بۆ پتەوكردنی پەیوەندی هەمەلایەنە لە گەڵ هەرێمی كوردستان دەربڕی.
سەرۆكی حكومەت كورتەیەكی دەربارەی چاكسازییەكانی كابینەی نۆیەم لە بواری هەمەچەشنكردنی ئابووری و بەدیجیتەڵكردنی خزمەتگوزارییە گشتییەكان و هەنگاونان بەرەو حوكمڕانییەكی ئەلیكترۆنی و ئاسانكاریكردن بۆ وەبەرهێنەران و ڕەخساندنی هەلی كاری نوێ خستەڕوو .
گرنگیی چارەسەركردنی كێشەكانی نێوان هەرێمی كوردستان و حكومەتی فیدراڵ لە سەر بنەمای دەستوور و بارودۆخی ئاوارە و پەنابەران و ئامادەكاری بۆ ڕووبەڕووبوونەوەی كاریگەرییە نەرێنیەكانی گۆڕانكاری كەشوهەوا لە سەر ژیانی هاووڵاتییان ، چەند تەوەرێكی دیكەی گفتوگۆكانی دیدارەكە بوون.