سەرۆکی هەرێمی کوردستان ئه‌مڕۆ سێشه‌ممه 06ـی 12ـی 2022 لەگەڵ باڵیۆزی سوید لە عێراق کۆبووەوە و جەختیان لە هاريكاريى هاوبه‌ش كرده‌وه.
نێچيرڤان بارزانى، سه‌رۆكى هه‌رێمى كوردستان له ديدارێكدا له هه‌ولێر له‌گه‌ڵ خاتوو جێسيكا سڤاردسترۆم باڵيۆزى نوێى سويد له عێراق، وێڕاى به‌خێرهێنان و پيرۆزبايى بۆ ده‌ستبه‌كاربوونى وه‌ك باڵيۆزى وڵاته‌كه‌ى له عێراق، هه‌موو پشتگيرييه‌كى بۆ سه‌رخستنى ئه‌ركه‌كه‌ى نيشان دا.
هه‌ردوولا بره‌ودان به په‌يوه‌ندييه‌كانى سويد له‌گه‌ڵ عێراق و هه‌رێمى كوردستانيان تاوتوێ كرد و جه‌ختيان له هاريكاريى هاوبه‌ش كرده‌وه، به‌تايبه‌تيش له‌و بوارانه‌دا كه جێى بايه‌خى هه‌ردوولان، دۆخى ناوخۆى هه‌رێمى كوردستان، ده‌رفه‌تى كار و وه‌به‌رهێنانى سوێدى له عێراق و هه‌رێمى كوردستان، هه‌روه‌ها ده‌رباره‌ى دوايين پێشهاته‌كانى دۆخى عێراق، شه‌ڕى دژى تيرۆر و ناوچه‌كه به‌گشتى، بيروڕيان ئاڵوگۆر كرد.
کۆمێنت (0)
تا ئێستا هیچ کۆمێنتێک نەکراوە.