لێکۆڵینەوەکانی نەتەوەیەکگرتووەکان ئاشکرای دەکەن، داعش چەکی کیمیایی لە ناوچەکانی ژێر کۆنتڕۆڵی خۆی بەکارهێناوە.
لە ڕاپۆرتی تیمی لێکۆڵینەوەی نەتەوەیەکگرتووەکان هاتووە کە گەیشتوونەتە ئەو ئەنجامەی کە تیرۆریستانی داعش مووشەک، هاوەنی کیمیایی، تەقەمەنی و نارنجۆکی کیمیایی بەکارهێناوە.
ڕاپۆرتەکە بە بەڵگەوە تیشکی خستووەتەسەر، چالاکییەکانی دروستکردن و بەرهەمهێنان و بەکارهێنانی چەکی کیمیایی لە سەرانسەری عێراقدا.
نەتەوەیەکگرتووەکان ئەو توخمانەشی ئاشکرا کردووە کە لە پێکهاتەی چەکە کیمیاییەکاندا بەکارهێنراون وەکو فۆسفایدی ئەلەمنیۆم، کلۆر، سیانید، نیکۆتین، ڕیسین و تالیۆمی کبریتات.
هەر لەو ڕاپۆرتەدا ئاماژە بە بەردەوامی ئاڵۆزییە تەندروستییەکانی نێو دانیشتووانی تازەخورماتوو دەکاتەوە، کە بریتین لە نەخۆشییە درێژخایەنەکان، شێرپەنجە و ئاڵۆزییەکانی پەیوەست بە تەندروستی زاوزێ.
کۆمێنت (0)
تا ئێستا هیچ کۆمێنتێک نەکراوە.