دوای بردنەوەی هەڵبژاردەی مەغریب لە هەڵبژاردەی ئیسپانیا و سەرکەوتنی بۆ قۆناغی چارەگی کۆتایی لە میانی پاڵەوانێتی جامی جیهانیی قەتەر 2022، هاندەرانی هەڵبژاردەی ئەو وڵاتە ئاهەنگی خۆشییان گێڕا.
هاندەران لە رەباتی پایتەخت و شارەکانی دارلبەیزا و مەراکیش و چەندین شاری دیکەی وڵاتەکە رژانە سەر شەقامەکان و بە گوتنەوەی درووشم و هەڵکردنی ئاڵای مەغریب ئاهەنگیان دەگێڕا.
خەڵکەکە بە ئۆتۆمبێل بە شەقام و کۆڵانەکانی چەندین شاردا دەسوڕانەوە و خۆشییان بۆ سەرکەوتنی وڵاتەکەیان بۆ چارەگی کۆتایی دەردەبڕی.
هەڵبژاردەی مەغریب لە قۆناغی گرووپەکاندا بە دوو گۆڵی حەکیم زیاشی و یوسف ناسیری لە کەنەدای بردەوە و بە کۆکردنەوەی حەوت خاڵ وەکو یەکەمی گرووپەکە سەرکەوت بۆ قۆناغی 16.
هەڵبژاردەی مەغریب لە یاریی چارەگی کۆتایی چاوەڕیی براوەی یارییەکەی نێوان پورتوگال و سویسرا دەکات.
کۆمێنت (0)
تا ئێستا هیچ کۆمێنتێک نەکراوە.