لێژنه‌ی دارایی تاووتوێی بڕیاری ئەنجوومەنی وەزیران سەبارەت بە پلەبەرزکردنەوەی فەرمانبەران ده‌كات

بەمەبەستی گفتوگۆکردنى بڕیاری ئەنجوومەنی وەزیران سەبارەت بە پلەبەرزکردنەوەی فەرمانبەران، لێژنه‌ی دارایی و كاروبارى ئابوورى، به‌سه‌رپه‌رشتیی زیاد جه‌بار، سه‌رۆكى لێژنه‌ و ئاماده‌بوونی جێگرى سه‌رۆكی لێژنه‌ و بڕیاردەر و ئه‌ندامان و ڕاوێژکارانی لێژنه‌كه، کۆبووەوه‌.
هەردوو بابەتی گرنگ و هەنووکەیی، پلەبەرزکردنەوەی فەرمانبەران و ڕاژەی خزمەتی فەرمانبەران، بابەتی سەرەکیی کۆبوونەوەکە بوون کە لەسەر داوای سەرۆکایەتیی پەرلەمانی کوردستان، ئاماژە بە بڕیاری ئەنجوومەنی وەزیران ژمارە (178) و کۆبوونەوەی ئەنجوومەنی وەزیران ژمارە (95)ی ڕۆژی 26ی10ی2022، دوای ڕاو سەرنجگۆڕینەوەی ئەندامان لەو بارەیه‌وە، لێژنە بە ڕاپۆرتێکی ورد و تێروتەسەل وەڵامیان دایەوە.
هەر لە كۆبوونەوەكەدا، ئەو نووسراو و سكاڵایانەی ئاراستەی لێژنەكە كرابوون، خوێندنەوەیان بۆ كرا و دوای گفتوگۆ و ڕاگۆڕینەوه‌ی ئەندامان، ئەوانەی پێویستییان بە وەڵامدانەوە هەبوو، وەڵام درانەوە، ئەوانەی تریش ئاراستەی لایەنی پەیوەندیداركران بۆ كاری پێویست