پارێزگای نه‌جه‌ف بڕیاری دا سبه‌ی پێنجشه‌م له سه‌رجه‌م قوتابخانه و فه‌رمانگه‌كانی حكوومه‌ت بكاته پشووی فه‌رمی.
نووسینگه‌ی پارێزگاری نه‌جه‌ف ڕایگه‌یاند: ئیداره‌ی پارێزگای نه‌جه‌ف بڕیاری دا سبه‌ی پێنجشه‌م ڕێكه‌وتی 8/12/2022 پشووی فه‌رمی بێت له ته‌واوی پارێزگاكه به‌بۆنه‌ی ساڵیادی شه‌هیدبوونی خاتوو فاتیمه‌ی زه‌هڕا.
ڕاشیگه‌یاند: ڕاگه‌یاندنی پشووه‌كه له‌سه‌ر داوای كۆمه‌ڵێك زانای ئایینی نه‌جه‌ف بووه به‌هۆی ئه‌وه‌ی كه سبه‌ی پێنجشه‌م له ساڵیادی شه‌هیدبوونی خاتوو فاتیمه زه‌هڕا هه‌زاران سه‌ردانیكه‌ر ڕوو له پارێزگای نه‌جه‌ف ده‌كه‌ن.
له ڕاگه‌یه‌نراوه‌كه‌ی پارێزگاری نه‌جه‌ف هه‌روه‌ها هاتووه: پشووه‌كه ته‌نیا فه‌رمانگه ئه‌منی و ته‌ندروستی و خزمه‌تگوزارییه‌كان و هه‌روه‌ها ده‌سته‌ی ئاوه‌دانكردنه‌وه‌ی نه‌جه‌ف و كاروباره‌كانی هاووڵاتییان ناگرێته‌وه كه ئه‌وان له پێشوازی و خزمه‌تكردنی سه‌ردانیكه‌راندا ده‌بن.
کۆمێنت (0)
تا ئێستا هیچ کۆمێنتێک نەکراوە.