سه‌رۆك بارزانی په‌یامێكی سه‌ره‌خۆشی به‌بۆنه‌ی كۆچی دوایی حاجی جاسم مهاجر كەسایەتییەكی دڵسۆز و نیشتیمانپەروەر بڵاوكرده‌وه و سه‌ره‌خۆشی خۆی له‌خانه‌واده‌كه‌ی ده‌كات.
ده‌قی په‌یامی سه‌رۆك مه‌سعود بارزانی:
پەیامی سەرەخۆشیی سەرۆك بارزانی بۆ كۆچی دوایی حاجی جاسم مهاجر
بەناوی خودای مەزن و دلۆڤان
بە داخێكی زۆرەوە هەواڵی كۆچی دوایی تێكۆشەر و پێشمەرگەی هەردوو شۆڕشی ئەیلوول و گوڵان (حاجی جاسم مهاجر)ـم بیست. حاجی جاسم مهاجر كەسایەتییەكی دڵسۆز و نیشتیمانپەروەر و لە بنەماڵەیەكی شۆڕشگێڕ بوو كە لەڕێگەی خەبات و كوردایەتیدا شەهید و قوربانیی زۆریان داوە.
پرسە و سەرەخۆشیی خۆم ئاراستەی خانەوادە و كەسوكاری خوالێخۆشبوو حاجی جاسم مهاجر و بنەماڵەی عەزیز خانی مهاجر دەكەم و خۆم بە هاوبەشی خەمیان دەزانم.
لە خودای گەورە داواكارم ڕۆحی خوالێخۆشبوو حاجی جاسم مهاجر بە بەهەشتی بەرین شاد بكات و سەبر و ئارامی بە هەموو لایەك ببەخشێت.
انا للە و انا الیه راجعون
مسعود بارزانی
8ی كانوونی یەكەمی 2022
کۆمێنت (0)
تا ئێستا هیچ کۆمێنتێک نەکراوە.