پاش نیوه‌ڕۆی ئه‌مرۆ پێنجشه‌ممه8ى12ى2022، مه‌سرور بارزانی، سه‌رۆكی حكوومه‌تی هه‌رێمی كوردستان له‌هه‌ژماری تایبه‌ت به‌خۆی له‌فه‌یس بووك بڵاویكرده‌وه: نامەیەکمان لە خاتوو جۆرجیا میلۆنی سەرۆک وەزیرانی نوێی ئیتالیا پێگەیشت.
مه‌سرور بارزانی رایگه‌یاندووه: سەرۆک وەزیرانی ئیتالیا، لە نامەکەیدا ئاماژەی بەوە داوە کە پەیوەندی دۆستانەی نێوان ئیتالیا و هەرێمی کوردستان ، مێژوویەکی دوور و درێژی هەیە و هەردوولا هاوبەشن لە ڕووبەڕووبوونەوەی ئاستەنگەکانی بەردەم ئاسایش و سەقامگیریی.
هه‌روه‌ها مه‌سرور بارزانی ئاماژه‌ی به‌وه‌شكردووه، سەرۆک وەزیرانی ئیتالیا، خواستی وڵاتەکەی بۆ پتەوکردنی پەیوەندییەکان لەگەڵ هەرێمی کوردستان دووپاتکردەوە . بەتایبەتی پەرەپێدانی پەیوەندی دوولایەنە لە بوارەکانی ئاڵوگۆڕی بازرگانی و کشتوکاڵ و وزە.
سه‌رۆكی حكوومه‌تی هه‌رێمی كوردستان ده‌شڵێت: سەرۆکی وەزیرانی ئیتالیا، ئومێدەوارە کە پێکهێنانی حکومەتی نوێی عێراق ، ببێتە هۆی بەهێزکردنی پەیوەندییەکانی نێوان هەولێر و بەغدا لە پێناو گەیشتن بە ئامانجی هاوبەش کە ئاشتی و گەشەپێدان و خۆشگوزەرانییە.
مه‌سرور بارزانی راشیگه‌یاندووه، لە کۆتایی نامەکەیدا، سەرۆک وەزیرانی ئیتالیا نووسیویەتی ” چاوەڕوانم لە دەرفەتێکی نزیکدا بتانبینم و لەگەڵتان کۆببمەوە“.
مه‌سرور بارزانی نامه‌یه‌كی له‌سه‌رۆك وه‌زیرانی نوێی ئیتاڵیا پێگه‌یشت
100%
کۆمێنت (0)
تا ئێستا هیچ کۆمێنتێک نەکراوە.