ئه‌مڕۆ پێنجشه‌م له یارییه‌كی تۆپی پێدا له رۆژهه‌ڵاتی شاری به‌غدای پایته‌ختی عێراق شه‌ڕ و ئاژاوه دروست ده‌بێت و له شه‌ڕه‌كه‌شدا چه‌ك به‌كاردێت و كه‌سێك دێته كوشتن.
ڕووداوه‌كه له یارییه‌كی تۆپی پێی له‌نێوان دوو تیپ له شاری سه‌دڕی رۆژهه‌ڵاتی به‌غدا ڕوویداوه، شه‌ڕ و پێكدادانه‌كان له‌نێوان یاریزانان و هانده‌رانی دوو تیپه‌كه سه‌ری كێشاوه بۆ به‌كارهێنانی چه‌ك و چه‌قۆ و دار و به‌رد.
له ئه‌نجامی ڕووبه‌ڕووبوونه‌وه‌كانی نێوان هه‌ردوو تیپه‌كه، هانده‌ری یه‌كێك له تیپه‌كان به هۆی به‌ركه‌وتنی چه‌ند چه‌قۆیه‌ك له ملییه‌وه گیانی له‌ده‌ستداوه.
ڕووداوه‌كه هه‌ر به‌وه‌نده كۆتایی نه‌هاتووه و ڕووبه‌ڕووبوونه‌وه‌ی بنه‌ماڵه‌ییشی لێ كه‌وتۆته‌وه و چه‌كیش به‌كارهاتووه، به‌ڵام دواجار هێزه ئه‌منییه‌كانی به‌غدا چوونه‌ته ناوبژی و به‌شێوه‌یه‌كی كاتی ڕه‌وشه‌كه ئارام كراوه‌ته‌وه.
کۆمێنت (0)
تا ئێستا هیچ کۆمێنتێک نەکراوە.