سه‌رله‌به‌یانی ئه‌مڕۆ هه‌ینی نرخی نه‌وت له بازاڕه‌كانی جیهان كه‌مێك به‌رزبوونه‌وه‌ی به‌خۆیه‌وه بینی به‌هۆی كه‌مبوونه‌وه‌ی هه‌نارده‌كردنی نه‌وتی كه‌نه‌دا بۆ ئه‌مه‌ریكا له ڕێگه‌ی بۆڕی و هه‌روه‌ها كه‌مبوونه‌وه‌ی مه‌ترسییه‌كانی بڵاوبوونه‌وه‌ی زیاتری په‌تای كۆڕۆنا له وڵاتی چین و ڕه‌وینه‌وه‌ی مه‌ترسییه‌كانی سیستی گه‌شه‌ی ئابووری له وڵاتان به‌هۆی په‌تاكه.
سه‌رله‌به‌یانی ئه‌مڕۆ هه‌ر به‌رمیلێك نه‌وتی خاوی برێنت له بازاڕه‌كانی جیهان 59 سه‌نتی هاته سه‌ر و به‌ڕێژه‌ی 0.8% به‌رزبووه‌وه و گه‌یشته 76.74 دۆلار.
به‌هه‌مانشێوه نرخی نه‌وتی خاوی تێكساسی ئه‌مه‌ریكیش به‌رزبووه و هه‌ر به‌رمیلێك 68 سه‌نتی چووه سه‌ر و به ڕێژه‌ی 1% به‌رزبووه‌وه، ئێستا نرخه‌كه‌ی 72.14 دۆلاره بۆ هه‌ر به‌رمیلێك.
کۆمێنت (0)
تا ئێستا هیچ کۆمێنتێک نەکراوە.