قایمقامییەتی قەزای مەخموور ئەمڕۆ هەینی 09ـی 12ـی 2022 لەبارەی دامەزراندنەوە دانیشتووانی سنوورەکەی ئاگادار دەکاتەوە کە سەردانی دیوانی قایمقامییەت بکەن.
ڕزگار محەمەد، قایمقامییەتی قەزای مەخموور، تایبەت بۆ (کوردستان تیڤی) ڕایگەیاند: لە ڕێگەی کوردستان تیڤییەوە ئاگاداری ئەو هاووڵاتییانە دەکەینەوە کە ناویان لە لیستی دامەزراندن هاتووەتەوە لە سنووری قەزای مەخموور ڕۆژانی یەکشەممە و دووشەممە و سێشەممە سەردانی دیوانی قایمقامییەتی قەزاکە بکەن.
ڕاشیگەیاند: پێویستە بۆ تەواوکردنی مامەڵەکانیان، ناسنامەی باری شارستانی، ڕەگەزنامەی عێراقی، کارتی خانووبەرە، کارتی بەشەخۆراکی، وێنەی کەسی، کۆپی بڕوانامەی ئەکادیمی بە ئاماژەدان بە تێکڕا و نمرە بۆ ئەو کەسەی ناوی لە لیستەکە هاتووە لەگەڵ خۆیان بهێنن.
جێی باسە، لە چوارچێوەی یاسای ئاسایشی خۆراک، زیاتر لە هەزار کەس لە سنووری پارێزگای نەینەوا دادەمەزرێنرێن.
پەیامنێر/ کارزان کاکل
کۆمێنت (0)
تا ئێستا هیچ کۆمێنتێک نەکراوە.