ئێوارەی ئەمڕۆ هەینی 09ـی 12ـی 2022 پاتریارکی کەنیسەی ئەرسەدۆکس لە جیهان گەیشتە هەولێر و جەختی کردەوە کە بە چاوی خۆشەویستی و ڕێزەوە دەڕوانینە پاراستنی ئاشتی و گیانی پێکەوەیی لە هەرێمی کوردستان.
د. پشتیوان سادق وەزیری ئەوقاف و کاروباری ئایینی، ئومێد خۆشناو، پارێزگاری هەولێر، سەفین دزەیی، بەرپرسی فەرمانگەی پەیوەندییەکانی دەرەوە و ڕامی نووری، قایمقامی عەنکاوە لە فڕۆکەخانەی هەولێر پێشوازییان لە پا‌تریاک مار ئیگناتۆس ئه‌فرامی دووه‌م پاتریارکی کەنیسەی ئەرسەدۆکس لە جیهان کرد.
مار ئەفرام ڕایگەیاند: ھەمیشە بەچاوی خۆشەویستی و ڕێزەوە دەڕوانینە ھەنگاوەکانی حکوومەتی هەرێمی کوردستان لە پاراستنی ئاشتی و برەودان بەگیانی پێکەوەیی.
ڕاشیگەیاند: ستایشی کەلتووری جوان و ڕەنگینی خەڵکی کوردستان و حکوومەتی هەرێمی کوردستان لە پێکەوەژیان و ئارامی و لەباوەشگرتنی لێقەوماوان و ئاوارەکان دەکەم.
هەر لەمبارەیەوەش بەگرنگییەوە گفتوگۆی لەبارەی خزماتگوزارییەکانی حکوومەتی هەرێمی کوردستان لەو بوارەدا کرد.
کۆمێنت (0)
تا ئێستا هیچ کۆمێنتێک نەکراوە.