دوو منداڵی خەڵکی کرماشان، بە ناوەکانی شاهۆ گودەرزی و سینا کەرەمی لەلایەن هێزه ئه‌منییه‌كانی ئێرانه‌وه ڕفێندران.
رێكخراوی هه‌نگاو بۆ مافه‌كانی مرۆڤ بڵاویكرده‌وه: شەوی دووشەممە، 5ى12ى2022، لە درێژەی بەرخۆدان و بەرگری خەڵک لە شاری کرماشان، دوو قوتابی تەمەن15 ساڵ بە ناوەکانی شاهۆ گودەرزی و سینا کەرەمی لەلایەن هێزەکانی حکومەتی ئێرانه‌وه ڕفێندران.
بەوتەی سەرچاوەیەکی ئاگادار، ئەو دوو منداڵە لە گەڕەکی دەوڵەت ئاوای کرماشان ڕفێندراون و بۆ شوێنێکی نادیار گواستراونەتەوە.
بەپێی ئاماری تۆمار کراو لە ناوەندی ئامار و بەڵگەنامەکانی هەنگاو، هێزە حکومەتییەکان لە ماوەی ئەم حەفتەیەدا، 13 منداڵ لە شارەکانی سنە، ئابدانان، کامێران، پاوە و سەردەشت ڕفاندووە.
کۆمێنت (0)
تا ئێستا هیچ کۆمێنتێک نەکراوە.