دوای نیوه‌ڕۆی ئه‌مڕۆ یه‌كشه‌م گه‌نجێك له‌به‌رده‌م دادگای چه‌مچه‌ماڵ گولـله‌یه‌ك له خۆی ده‌دات و كۆتایی به ژیانی خۆی هێنا.
ئه‌مڕۆ یه‌كشه‌م كاتژمێر 3ی دوای نیوه‌ڕۆ، گه‌نجێكی ته‌مه‌ن 38 ساڵ به‌ناوی (د. ع. ع) له ڕه‌گه‌زی نێر له‌به‌رده‌م دادگای چه‌مچه‌ماڵ به فیشه‌كێك خۆی بریندار كرد.
دوای گه‌یشتنی بۆ به‌شی فریاكه‌وتنی نه‌خۆشخانه‌ی چه‌مچه‌ماڵ و هه‌وڵێكی زۆری پزیشكان نه‌توانرا ڕزگار بكرێت و به‌هۆی سه‌ختی برینه‌كه‌یه‌وه گیانی له‌ده‌ست دا.
تا ئێستا هۆكاری خۆكوشتنی گه‌نجه‌كه دیار نییه، به‌ڵام هێزه‌كانی پۆلیس و لایه‌نه په‌یوه‌نداره‌كان لێكۆڵینه‌وه‌كانیان بۆ ئه‌م مه‌به‌سته ده‌ستپێكردووه.
کۆمێنت (0)
تا ئێستا هیچ کۆمێنتێک نەکراوە.