سه‌رۆكی هه‌نگاریا به ڤیدیۆ گرافیكێك ته‌واوی سه‌ردانه فه‌رمییه‌كه‌ی بۆ هه‌رێمی كوردستان و عێراق بڵاو كرده‌وه.
كاتالین نۆڤاك وه‌ك یه‌كه‌م سه‌رۆكی هه‌نگاریا له مێژوودا نیوه‌ڕۆی رۆژی هه‌ینی به سه‌ردانێكی فه‌رمی گه‌یشته فڕۆكه‌خانه‌ی نێوده‌وڵه‌تی هه‌ولێر و له‌لایه‌ن نێچیرڤان بارزانی سه‌رۆكی هه‌رێمی كوردستانه‌وه پێشوازی لێ كرا، دوای ئه‌وه‌ی سه‌رله‌به‌یانی هه‌مان ڕۆژ گه‌یشتبووه به‌غدا و چاوی به به‌رپرسانی عێراق كه‌وتبوو.
هه‌ر ئه‌و رۆژه كاتالین سه‌ردانی تلسقۆفی كرد و له‌وێ چه‌ند شوێنێكی ئایینی كریستیانه‌كان و باخچه‌یه‌كی ساوایان و چه‌ند پڕۆژه‌یه‌كی حكوومه‌تی هه‌نگاریای له‌و ناوچه‌یه به‌سه‌ركرده‌وه.
سه‌رله‌ئێواره‌ش گه‌ڕایه‌وه هه‌ولێر و له‌گه‌ڵ نێچیرڤان بارزانی سه‌رۆكی هه‌رێمی كوردستان كۆبووه‌وه.
دوێنێ شه‌مووش چاوی به مه‌سرور بارزانی سه‌رۆكی حكوومه‌تی هه‌رێمی كوردستان كه‌وت و به‌یه‌كه‌وه سه‌ردانی ئه‌و قوتابخانه‌یان كرد كه له چوارچێوه‌ی پڕۆژه‌ی یارمه‌تییه‌كانی حكوومه‌تی هه‌نگاریا له شاری هه‌ولێر دروستكراوه.
كاتالین نۆڤاك دوای نیوه‌ڕۆی دوێنێ شه‌موو كۆتایی به سه‌ردانه‌كه‌ی هێنا و له فڕۆكه‌خانه‌ی نێوده‌وڵه‌تی هه‌ولێره‌وه به‌ره‌و هه‌نگاریا گه‌ڕایه‌وه.
ئه‌مڕۆ یه‌كشه‌م سه‌رۆكی هه‌نگاریا له تۆڕی كۆمه‌ڵایه‌تی تویته‌ر به پارچه ڤیدیۆیه‌ك ته‌واوی سه‌ردانه‌كه‌ی بۆ هه‌رێمی كوردستان و عێراق بڵاو كرده‌وه.
First ever #Hungarian 🇭🇺 presidential visit to Iraq 🇮🇶 pic.twitter.com/Difr8yAePV
— Katalin Novák (@KatalinNovakMP) December 11, 2022
کۆمێنت (0)
تا ئێستا هیچ کۆمێنتێک نەکراوە.