فه‌رمانده‌یی ناوه‌ندیی سوپای ئه‌مه‌ریكا ئه‌مڕۆ یه‌كشه‌م كوژرانی دوو سه‌ركرده‌ی داعشی له هێرشێكی ئاسمانیدا له ڕۆژهه‌ڵاتی سووریا ڕاگه‌یاند.
فه‌رمانده‌یی ناوه‌ندیی هێزه‌كانی ئه‌مه‌ریكا له ڕاگه‌یه‌نراوێكدا ئاماژه‌ی به‌وه دا: به‌ره‌به‌یانی ئه‌مڕۆ یه‌كشه‌م كاتژمێر 2:57 به هێلیكۆپته‌ر هێرشێكی سه‌ركه‌وتوومان له رۆژهه‌ڵاتی سووریا ئه‌نجام دا.
ڕاشیگه‌یاند: له ئه‌نجامی هێرشه‌كه‌دا دوو به‌رپرسی باڵای و سه‌ركرده‌ی داعش كوژران، ئه‌نه‌س یه‌كێك له كوژراوه‌كانه كه به‌رپرسی ڕێكخراوی تیرۆریستی داعش بووه له سووریا و ده‌ستی له چه‌ندان پلانگێڕی و كوشتن له رۆژهه‌ڵاتی سووریا هه‌بووه.
له ڕاگه‌یه‌نراوه‌كه‌دا هه‌روه‌ها هاتووه: ئۆپه‌ڕاسیۆنه‌كه‌ی به‌ره‌به‌یانی ئه‌مڕۆ پلانێكی تۆكمه‌ی پێشوه‌خته‌ی بۆ داڕێژرابوو به مه‌به‌ستی دڵنیابوون له سه‌ركه‌وتنی و به ئامانجگرتنی هه‌ردوو سه‌ركرده‌كه‌ی داعش.
فه‌رمانده‌یی ناوه‌ندیی سوپای ئه‌مه‌ریكا جه‌ختیشی كرده‌وه كه خۆشبه‌ختانه له ئۆپه‌ڕاسیۆنه‌كه‌دا هیچ هاووڵاتییه‌كی سڤیل بریندار و نه‌كوژراوه.
کۆمێنت (0)
تا ئێستا هیچ کۆمێنتێک نەکراوە.