سه‌رچاوه ئه‌منییه‌كانی پارێزگای نه‌جه‌ف ئه‌مڕۆ یه‌كشه‌م تاوانێكی شۆكهێنه‌ریان له سنووری پارێزگاكه‌یان ئاشكرا كرد.
تاوانه‌كه له شاره‌دێی حیڕه له سنووری پارێزگای نه‌جه‌ف ڕوویداوه، باوكێك به گولـله هاوسه‌ر و منداڵه ته‌مه‌ن 13 ساڵانه‌كه‌ی ده‌كوژێت، دواتر گولـله‌یه‌ك له خۆشی ده‌دات و كۆتایی به ژیانی ده‌هێنێ.
دوای تێپه‌ڕبوونی ماوه‌یه‌كی زۆر به‌سه‌ر ڕووداوه‌كه، هاوسێیه‌كانی ماڵه‌كه به بۆنی ناخۆشی ته‌رمه‌كان ده‌زانن و هێزه ئه‌منییه‌كانی لێ ئاگادار ده‌كه‌نه‌وه.
كاتێك پۆلیس و هێزه ئه‌منییه‌كان ده‌رگه‌ی ماڵه‌كه ده‌شكێنن و ده‌چنه ژووره‌وه، هه‌رسێ ته‌رمه‌كه له ماڵه‌كه ده‌دۆزنه‌وه كه ماوه‌یه‌كی زۆر به‌سه‌ر مردنیان تێپه‌ڕیوه.
کۆمێنت (0)
تا ئێستا هیچ کۆمێنتێک نەکراوە.